Woh jin mein aksar pathra jati hain
Shehzadun ki aankhein, Maa
Woh aise qisse kahaniyun wali
Mujhe judai mili hai
Yaadon ke samandaron ka tasalsul
Tareek ek sheeshi mein qaid
Woh aise jinn aasebun wali
Mujhe rehai mili hai
Na utarti hai faseel e taqdeer
Na phalaangta hai koi saaya
Ye kis mafluj zaat ki
Mujhe khudai mili hai
Na tum, na tumhare haq mein bolna
Garaan gosh adaalat, nabeena nazreen
Ye in sharait o zawabit par
Mujhe sunwai mili hai
وہ جن میں اکثر پتھرا جاتی ہیں
شہزادوں کی آنکھیں ' ماں
وہ ایسے قصے کہانیوں والی
مجھے جدائی ملی ہے
یادوں کے سمندروں کا تسلسل
تاریک ایک شیشی میں قید
وہ ایسے جن آسیبوں والی
مجھے رہائی ملی ہے
نہ اترتی ہے فصیل تقدیر
نہ پھلانگے ہے کوئی سایہ
یہ کس مفلوج ذات کی
مجھے خدائی ملی ہے
نہ تم ' نہ تمہارے حق میں بولنا
گراں گوش عدالت ' نابینا ناظرین
یہ ان شرائط و ضوابط پر
مجھے سنوائی ملی ہے
No comments:
Post a Comment