UDAAS HAATH / اُداس ہاتھ

UDAAS HAATH

Kya tumne dekha hai kabhi

Haath, udaas haath

Jhuriyun se paak

Chand sa roshan

Magar udaas haath

Aisa haath kanpta nahi

Theher jata hai

Magar theher nahi paata

Kisi tarah, kisi taraf

Phadphadata rehta hai

Kisi khayal ke zer e asr

Tatolta rehta hai

Hone wale imkaan ko

Nabeena aankh ki tarah

Kya tumne dekhi hai kabhi

Aankh, natwaan aankh

Pooro mein lipti hui

Nakhun se ubhri hui

اُداس ہاتھ 

کیا تم نے دیکھا ہے کبھی

ہاتھ ' اُداس ہاتھ

جھریوں سے پاک

چاند سا روشن

مگر اُداس ہاتھ 

ایسا ہاتھ کانپتا نہیں

ٹھہر جاتا ہے

مگر ٹھہر نہیں پاتا

کسی طرح ' کسی طرف

پھڑپھڑاتا رہتا ہے

کسی خیال کے زیرِ اثر

ٹٹولتا رہتا ہے

ہونے والے امکان کو

نابینا آنکھ کی طرح

کیا تم نے دیکھی ہے کبھی

آنکھ ' ناتواں آنکھ 

پوروں میں لپٹی ہوئی

ناخن سے اُبھری ہوئی

Silsila II / سلسلہ ۲

Ye ladki

Apne dast e gard mein

Zameeni maujze dikhati hai,

Khaak se khaak milati hai,

Mitti se mitti,

Kankarun ko sitaare kehti hai

Aur reza reza kahkashan banati hai.

Ye ladki jo mujhe milli hai

Ab raet ki manind

Lamha lamha choot-ti ja rahi hai,

Ye ladki, jiski aakhri chaap

Dhool aur gubaar, ye nazm hai,

Is ladki par ab bhi

Ye baat ayaan nahi

Ki woh bint e gorkan hai,

Dafnane ke siwa uska

Aur koi hasil nahi

Phir bhi

Na Jane kyun

Phir bhi 

Ye matyali paikar

Meri zeest ki ashtray se

Ek sulagta hua gulaab

Ugaane ki zidd pe hai

یہ لڑکی

اپنے دست گرد میں

زمینی معجزے دکھاتی ہے '

خاک سے خاک ملاتی ہے '

مٹی سے مٹی '

کنکروں کو ستارے کہتی ہے

اور ریزہ ریزہ کہکشاں بناتی ہے ۔

یہ لڑکی جو مجھے ملی ہے

اب ریت کی مانند

لمحہ لمحہ چھوٹتی جا رہی ہے '

یہ لڑکی ' جسکی آخری چاپ

دھول اور غبار ' یہ نظم ہے '

اِس لڑکی پر اب بھی

یہ بات عیاں نہیں

کہ وہ بنت گورکن ہے '

دفنانے کے سوا اُسکا

اور کوئی حاصل نہیں 

پھر بھی 

نہ جانے کیوں

پھر بھی

یہ مٹیالی پیکر

میری زیست کی ایش ٹرے سے

ایک سلگتا ہوا گلاب

اُگانے کی ضد پہ ہے ۔