Ye jo ladki mujhe mili hai
Zindagi Kay kai qbristano se ho kar
Meri taraf lauti hai
Ye jo ladki mujhe mili hai
Ek sadi se
Rishton ki turbat par isne
Aawazon ke chabuk tode hain
Apni awaaz ki bazgasht ke siwa
Iska kuch haasil nahi
Ye jo ladki mujhe mili hai
Baat baat pe kehti hai
"Aap meri baat samjh rahe ho"
"Samjh aayi aapko meri baat"
Meri pur-hayat, pur-hairat khamoshi dekh kar
Use lgata hai
Mai bhi ek mazaar hoon
Jiske samne
samjh ki pukaar lazmi hai
Ye ladki jo mujhe mili hai
Ise abhi tak mai nahi mila
سلسلہ
یہ جو لڑکی مجھے ملی ہے
زندگی کے کئی قبرستانوں سے ہو کر
میری طرف لوٹی ہے
یہ جو لڑکی مجھے ملی ہے
ایک صدی سے
رشتوں کی تُربت پر اس نے
آوازوں کے چابک توڑے ہیں
اپنی آواز کی بازگشت کے سوا
اسکا کچھ حاصل نہیں
یہ جو لڑکی مجھے ملی ہے
بات بات پے کہتی ہے '
"آپ میری بات سمجھ رہے ہو"
"سمجھ آئی آپکو میری بات"
میری پُر حیات ' پُر حیرت خاموشی دیکھ کر
اسے لگتا ہے
میں بھی ایک مزار ہوں
جسکے سامنے
سمجھ کی پُکار لازمی ہے
یہ لڑکی جو مجھے ملی ہے
اِسے ابھی تک میں نہیں ملا
