Chinar ki shakhoon se latakta APDP ka
poster Messih key muqadas jism ki tarah
khoon aalood hai. Us mein suraj ki aakhri aur chaand ki pehli kiran mein
chamakti ek tasveer Yousuf Shah Chak ki hai. Poster mein goli sey baney soraakh
sey channti udaas chandni mein, dhoop ki thandi roshni ki tarah simti Habba
Khatoon hai. Kuch Shahi wardi pehney log uskey Yousuf ko ley gaye, hamesha key
liye. Who chinar key siyah saaye mein, tooti Raag-e-Yemen mein soch rahi hai…
Hari Parbat ki deewaroun mein
Meri rooh key shagaaf hain
Aur
Koh-e-Maraan ki tarteeb
Meri jhuriyoun mein ayaan
Mera chehra bilkul
Us bhoodhi Maa key
Chehrey jaisa ho gaya hai
Jiskey betey ko
Ghaseet’tey huwe woh
Hari Parbat military camp ley gaye
Us key motey chashmey sey dekhti hoon
Tou saaf nazar aata hai
Akbar key sipaahi tumhe
Hari Parbat sey
Papa 2 ley gaye
Aur phir
Tum kin andheeroun mein roshan rahey
Mujhe maloom nahi
Magar
Maine barha tumhe
Mughaliya sulatanat ki
Doodhiya imaartoun mein dhoonda
Aur kabhi
Na-paak
Sharaab aalood
Military campoun ki
Khoon bhari mehek mein
Us boodhi aurat
Aur meri aankhein
Ab eik jaise ho gayi hain
Donu mein intezaar hai
Phir sochti hoon
Jaaney yumhari aankhein
Ab kaisi hongi?
Un mein kya hoga?
Kya un mein aaj bhi
Zooni shehzaadi hai?
Humari aankhein?
Humari aankhoun mein tou
Tareekh key bhari noukeeley
Pathar hain
Humarey khwaab
Soojh gaye hain
Aur roshni
Peep ki tarah
Beh rahi hai
Tumhari awaaz ka wajood tou
Ab cheekh hai
Meri awaaz ab sirf dard
Mai apney nagmoun ki rawaani
Jehlum ko dey aai hoon
Meri awaaz tou
Convoy ki qataaroun mein
Kho gai hai
Khud mai
Dal ki tarah teher gai hoon
Tumhari yaad key kinarey
Tum aajao
Bus ek baar
Mai tumhe bus itna bata deti
Ki
Tumharey baad
Kai Akbar
Kai wardi posh aaye
Aur kitney Yousuf, kitney Nazeeroun ko
ley gaye
Ab
Tumhare Kashmir ki har aurat
Habba Khatoon hai
منز سراے لوسم دوہ
چنار کی شاخوں سے لٹکتا اے- پی- ڈی
- پی کا پوسٹر مسیح کے مقدس جسم کی طرح
خون آلود
ہے- اس میں سورج کی آخری اور چاند کی پہلی کرن میں چمکتی ایک تصویر یوسف شاہ چک کی ہے – پوسٹر میں گولی سے بنے سوراخ سے چھنتی اداس چاندنی میں ، دھوپ کی ٹھنڈی روشنی کی طرح سمٹی حبّہ خاتون ہے – کچھ شاہی وردی پہنے لوگ اسکے یوسف کو لے گئے ، ہمیشہ کے لئے – وہ چنار کے سیاہ ساۓ میں ، ٹوٹی راگ یمن میں سوچ رہی ہے...
ہے- اس میں سورج کی آخری اور چاند کی پہلی کرن میں چمکتی ایک تصویر یوسف شاہ چک کی ہے – پوسٹر میں گولی سے بنے سوراخ سے چھنتی اداس چاندنی میں ، دھوپ کی ٹھنڈی روشنی کی طرح سمٹی حبّہ خاتون ہے – کچھ شاہی وردی پہنے لوگ اسکے یوسف کو لے گئے ، ہمیشہ کے لئے – وہ چنار کے سیاہ ساۓ میں ، ٹوٹی راگ یمن میں سوچ رہی ہے...
ہاری پربت کی دیواروں میں
میری روح کے شگاف ہیں
اور
کوہ ماراں کی ترتیب
میری جھریوں میں عیاں
میرا چہرہ بالکل
اس بوڑھی ماں کے
چہرے جیسا ہوگیا ہے
جس کے بیٹے کو
گھسیٹتے ھوۓ وہ
ہاری پربت ملٹری کیمپ لے گئے
اس کے موٹے چشمے سے دیکھتی ہوں
تو صاف نظر آتا ہے
اکبر کے سپاہی تمھیں
ہاری پربت سے
پا پا ٢ لے گئے
اور پھر
تم کن اندھیروں میں روشن رہے
مجھے معلوم نہیں
مگرمیں نے بارہا تمھیں
مغلیہ سلطنت کی
دودھیا عمارتوں میں ڈھونڈا
اور کبھی
ناپاک
شراب آلود
ملٹری کیمپوں کی
خون بھری مہک میں
اس بوڑھی عورت
اور میری آنکھیں
اب ایک جیسے ہوگئی ہیں
دونوں میں انتظار ہے
پھر سوچتی ہوں
جانے تمہاری آنکھیں
اب کیسی ہونگی؟
ان میں کیا ہوگا؟
کیا ان میں آج بھی
زونی شہزادی ہے ؟
ہماری آنکھیں؟
ہماری آنکھوں میں تو
تاریخ کے بھاری نوکیلے
پتھر ہیں
ہمارے خواب
سوجھ گئے ہیں
اور روشنی
پیپ کی طرح
بہ رہی ہے
تمہاری آواز کا وجود تو
اب چیخ ہے
میری آواز صرف درد
میں اپنے نغموں کی روانی
جہلم کو دے آئ ہوں
میری آواز تو
کونواۓ کی قطاروں میں
کھو گئی ہے
خود میں
ڈل کی طرح ٹھر گئی ہوں
تمہاری یاد کے کنارے
تم آجاؤ
بس ایک بار
میں تمھیں بس اتنا بتا دیتی
کہ
تمہارے بعد
کئی اکبر
کئی وردی پوش آئے
اور کتنے یوسف ، کتنے نظیروں کو
لے گئے
اب
تمہارے کشمیر کی ہر عورت
حبّہ خاتون ہے
