Goshvaara/ گوشوارہ

Zindagi khasara hai -

Kabhi cheezein

Kabhi rishte

Kabhi insaan ganwane ka.

Zindagi Safar bhi hai lekin -

Cheezein cheezon se badalne ka

Rishte naye paida karne ka

Insaan ke naqsh e qadam pe chalne ka.

Magar is sab khasare mein

Woh Jo ek Kami tumhari hai

Mujhse Tai nahi hoti

Safar taweel hua jata hai

Tumhari ek cheez ka mutbadil nahi

Tumhare ek rishte ka rishta nahi

Tumsa ek shaks mujhe milta nahi 

زندگی خسارہ ہے -

کبھی چیزیں

کبھی رشتے

کبھی انسان گنوانے کا-

زندگی سفر بھی ہے لیکن -

چیزیں چیزوں سے بدلنے کا

رشتے نئے پیدا کرنے کا

انسان کے نقش قدم په چلنے کا-

مگر اس سب خسارے میں

وہ جو اک کمی تمہاری ہے

مجھ سے طے نہیں ہوتی

سفر طویل ہوا جاتا ہے

تمہاری ایک چیز کا متبادل نہیں

تمہارے ایک رشتے کا رِشتہ نہیں

تم سا ایک شخص مجھے ملتا نہیں-

Mumkinaat, Na-Mumkinaat ممکنات ' ناممکنات

MUMKINAAT, NA-MUMKINAAT

Baithe baithe aksar yunhi

Mai sochta rehta hoon, woh

Jo nahi hua,

Jo nahi hoga - 

Duniya ki raftari mein

Thehra hua mai,

Kisi kone mein pada hua

Khud ko shadeed aziyat pohnchata hua.

Dhoka, tohmat, bohtaan,

Badtameezi, badsaluki, ilzaam -

Is la-maujood jahan e mumkinaat mein

Har shaqs mujhe

Zakhm dene pe qadir hai.

Is na hue, na hone mein 

Ek tumhara hona hai,

Ek tumhara hona hi tou hai

Jis se

Ye jahan e namumkinat

Abaad hai۔

Yahan tum ho, yahin

mere saath

Usi kone mein jahan

Baithe baithe mein aksar sochta hoon

Woh

Jo nahi hua,

Nahi hoga.

ممکنات ' ناممکنات 

بیٹھے بیٹھے اکثر یونہی

میں سوچتا رہتا ہوں, وہ

جو نہیں ہوا

جو نہیں ہوگا -

دنیا کی رفتاری میں

ٹھہرا ہوا میں,

کسی کونے میں پڑا ہوا

خود کو شدید اذیت پہنچاتا ہوا -

دھوکا ' تہمت ' بہتان

بدتمیزی ' بدسلوکی ' الزام -

اس لامجود جہانِ ممکنات میں

ہر شخص مجھے

زخم دینے پہ قادر ہے -

اس نہ ہوئے ' نہ ہونے میں

ایک تمہارا ہونا ہے '

اک تمہارا ہونا ہی تو ہے

جس سے 

یہ جہانِ ناممکنات

آباد ہے -

یہاں تم ہو ' یہیں

میرے ساتھ

اسی کونے میں جہاں 

بیٹھے بیٹھے میں اکثر سوچتا ہوں

وہ

جو نہیں ہوا '

نہیں ہوگا - 

Silsila II / سلسلہ ۲

Ye ladki

Apne dast e gard mein

Zameeni maujze dikhati hai,

Khaak se khaak milati hai,

Mitti se mitti,

Kankarun ko sitaare kehti hai

Aur reza reza kahkashan banati hai.

Ye ladki jo mujhe milli hai

Ab raet ki manind

Lamha lamha choot-ti ja rahi hai,

Ye ladki, jiski aakhri chaap

Dhool aur gubaar, ye nazm hai,

Is ladki par ab bhi

Ye baat ayaan nahi

Ki woh bint e gorkan hai,

Dafnane ke siwa uska

Aur koi hasil nahi

Phir bhi

Na Jane kyun

Phir bhi 

Ye matyala paikar

Meri zeest ki ashtray se

Ek sulagta hua gulaab

Ugaane ki zidd pe hai

یہ لڑکی

اپنے دست گرد میں

زمینی معجزے دکھاتی ہے '

خاک سے خاک ملاتی ہے '

مٹی سے مٹی '

کنکروں کو ستارے کہتی ہے

اور ریزہ ریزہ کہکشاں بناتی ہے ۔

یہ لڑکی جو مجھے ملی ہے

اب ریت کی مانند

لمحہ لمحہ چھوٹتی جا رہی ہے '

یہ لڑکی ' جسکی آخری چاپ

دھول اور غبار ' یہ نظم ہے '

اِس لڑکی پر اب بھی

یہ بات عیاں نہیں

کہ وہ بنت گورکن ہے '

دفنانے کے سوا اُسکا

اور کوئی حاصل نہیں 

پھر بھی 

نہ جانے کیوں

پھر بھی

یہ مٹیالا پیکر

میری زیست کی ایش ٹرے سے

ایک سلگتا ہوا گلاب

اُگانے کی ضد پہ ہے ۔

معجزہ

کائنات کی تصویر کو
کچھ وسیع کر کے دیکھو تو
وجود ایک معجزہ لگتا ہے
اور انسان اس لا انتہا خلا میں
ایک دھول, ایک تنکا
اور اس تنکے کے کاندھوں پہ
پوری کائنات کا غم
پوری کائنات کا بوجھ
جسے لے کر یہ دربدر گھومتا رہتا ہے
یہ تنکا سوتا ہے, جاگتا ہے
دفتر جاتا ہے, لوٹ کر آتا ہے
بسوں میں پھرتا ہے, جہازوں میں اڑتا ہے
ہمسفر ڈھونڈتا ہے
مکان کو گھر بناتا ہے
بچے جنتا ہے
جشن مناتا ہے
سماج کو جنم دیتا ہے
جیتا ہے, مرتا ہے
مگر یہ بوجھ کبھی کم نہیں ہوتا
کبھی کم نہیں ہوتا
کبھی کم نہیں ہوتا

کچھ اس طرح دیکھو تو
انسان معجزوں میں ایک بڑا معجزہ ہے

MAUJZA

Qainat ki tasveer ko
Kuch wasi kar kay dekho tou
Wajood ek maujza lagta hai
Aur insaan is la-intiha khala mein
Ek dhool, ek tinka
Aur is tinkey kay kaandhon pe
Poori qainat ka gham
Poori qainat ka bojh
Jise ley kar ye darbadar ghoomta rehta hai
Ye tinka Sota hai, jaagta hai
Daftar jata hai, laut kar aata hai
Buson mein phirta hai, jahazon mein udta hai
Humsafar dhoondta hai
Makaan ko ghar banata hai
Bacche Janta hai
Jashn manata hai
Samaj ko janam deta hai
Jeeta hai, marta hai
Magar ye bojh kabhi kam nahi hota
Kabhi kam nahi hota
Kabhi kam nahi hota

Kuch istarah se dekho tou
Insaan maujzon mein ek bada maujza hai

ILLAT

Mai ki ek khasta makaan
Har tarah se toota hua shaks
Zindagi ki ek aur baarish
Dukhon ki ek aur aandhi
Khushiyon ki aur ek tez dhoop ka saaya hai ki
Tootna hai mujhe
Mar Jana hai
Bus mere andar ki ek aurat hai jo
Marne nahi deti mujhko
Bikharne nahi deti mujhko