Shakhon se ubalti rui
Jab pedon ke badan se utar kar
Shehar ki sadkon pe bikhar kar
Kinare kinare saujati thi
Tou ek chingari se usey
Jaga kar
Jhulsa kar
Hum phir hawaon mein uda dete they
Ladakpan mei aag se
Kise ragbat nahi hoti
Muhabbat nahi hoti
Magar phir zindagi mein
Samjhdari ke ek mod par
Mujhe aatish paraston ki
Ek devi mili
Rooh jiski aatishi thi
Aag se raakh
Raakh se khaak
Aur khaak se gubaar banana
Jiski zindagi thi
Har woh shay
Jo uske badan ki hidat se guzri ho
Jhulasna uski taqdeer thi
Apne badan se utre kapdon ko
Supurd e naar kar
Ghanton unhe taka karti
Hawa karti
Hansa karti
Phir us raakh ka naseeb woh jaane
Mai raakh ho chuka hoon kya?
Ab mai jo uski utran hoon
شاخوں سے ابلتی روئی
جب پیڑوں کے بدن سے اتر کر
شہر کی سڑکوں پہ بکھر کر
کنارے کنارے سوجاتی تھی
تو ایک چنگاری سے اُسے
جگا کر
جھلسا کر
ہم پھر ہواؤں میں اڑا دیتے تھے
لڑکپن میں آگ سے
کسے رغبت نہیں ہوتی
محبت نہیں ہوتی
مگر پھر زندگی میں
سمجھداری کے اک موڈ پر
مجھے آتش پرستوں کی
ایک دیوی ملی
روح جسکی آتشی تھی
آگ سے راکھ
راکھ سے خاک
اور خاک سے غبار بنانا
جسکی زندگی تھی
ہر وہ شے
جو اسکے بدن کی حدت سے گزری ہو
جھلسنا اُسکی تقدیر تھی
اپنے بدن سے اترے کپڑوں کو
سپرد نار کر
گھنٹوں انہیں تکا کرتی
ہوا کرتی
ہنسا کرتی
پھر اس راکھ کا نصیب وہ جانے
میں راکھ ہو چکا ہوں کیا
اب میں جو اُسکی اترن ہوں؟
No comments:
Post a Comment